صباااااح / مسااء
السرووور والبهجة
كلماات اعجبتني وحبيت اسدحهاا وبطحهاا عندكم ويااريت تروق لكم كما فعلت بي >> اعجبكم بالفصحه هاا
إليكم القصيده ««
خلها على الله ماهي أول خساره
وياقلبي إصبر يمكن تكون خيره
إن كان ماوده يجي بإختياره
اللي خلقه الله خلق ناس غيره
ليته عرف هالبعد وشلون ناره
ماكان عندي يبعد ويروح ديره
الشوق بعثرني وطال إنتظاره
يعني خلاص الحب هذا مصيره
فواز عطني من باكيتك زقاره
وخدر لي الشاهي وخليه شيره
بجر صوت ماجلبته الحضاره
ميراث شايب ماختلف في مسيره
بعض الشعر يقثع عليك المراره
وبعضه يداوي كل نفس كسيره
وانا لعبت القاف وأربكت كاره
لكن عفته يوم حاسوا مريره
من صاروا الشعار نوره وساره
وسيمون اسمر هو يقود المسيره
بكره يصير الشعر رهن استعاره
يعني تقبل لو تهيجن شكيره
النفس طابت يوم كشف الستاره
يوم الكبيره تستوي بالصغيره
وادركت مافال جو ياكود فاره
استتبع الماخوذ ثم صار زيره
ودام انها ساحة لوي واستداره
بشوم عنها وياعساها سفيره
بطران لا والله شيخ البطاره
واعز نفسي عن نفوس حقيره
وعزاي بالعطار ورثه عطاره
واللي خدم مهما وصل تبع اميره
بنهي انا الموضوع وش لي بعاره
وارد للي ماتأنب ضميره
خل ظلمني ماعدلني بقراره
هو سبت احزاني وقلبي اسيره
اقفى ولادري وين صارت دياره
والمشكله ماعاد لي معه سيره
قامت تعذر جيته والزياره
وانا جروحي من بعاده خطيره
اومى بكفه وابتسملي بحقاره
وعرفت ريح المسك من نفخ كيره
هو يحسب ان الغدر فن وشطاره
بس مادرى ماطار بالحب طيره
فواز وينك ماتمد الزقاره
لي حروة الساعه ابيلي تعميره
يمكن مع الدخان تطخ الحراره
خص اذا شاهيك ياخوك شيره
وخلها علي الله ماهي اول خساره
واللي خلقه الله خلق ناس غيره
وسلااأإآاأإآاأإآاأإآاأإآمتگم
للشاعر القدير والغني عن التعريف : ح ــامد زيد
ماوصيكم نبي ردوود توسع الصدر خخخخخ
لگم خالص ودي
..
..ْ~
..ْ~
